ტენერიფეს თავდამსხმელი საავადმყოფოში გადაიყვანეს

ლა ლიგა ჰიპერმოთიონის მატჩი „ტენერიფესა“ და „ანდორას“ შორის შემაძრწუნებელი ინციდენტის გამო შეწყდა. შეხვედრის მეორე ნახევრის დამატებულ დროში, როდესაც ანგარიში 2:2 იყო, „ტენერიფეს“ თავდამსხმელი ხესუს დე მიგელი ბურთისთვის იბრძოდა.

„ანდორას“ მეკარემ, ოუონომ, კარი დატოვა და ბურთის მოსაგერიებლად გაიჭრა, რა დროსაც ფეხბურთელები ერთმანეთს სასტიკად შეეჯახნენ. დარტყმის შედეგად დე მიგელმა გონება დაკარგა და მოედანზე უგონოდ დაეცა, რის გამოც ორივე გუნდის მოთამაშეებმა სასწრაფოდ სამედიცინო დახმარება მოითხოვეს.

მატჩი შეჩერებულია

მსაჯმა პერეს ერნანდესმა მატჩის შეწყვეტის გადაწყვეტილება მას შემდეგ მიიღო, რაც დე მიგელს მოედანზე რამდენიმე წუთის განმავლობაში უტარებდნენ პირველად დახმარებას. ფეხბურთელი საკაცით გაიყვანეს და სასწრაფო დახმარების მანქანით „ლა კანდელარიას“ საავადმყოფოში გადაიყვანეს.

მედიის ცნობით, შეჯახების შემდეგ ფეხბურთელს გულ-ფილტვის გაჩერება ჰქონდა. სამედიცინო პერსონალმა მისი სტაბილიზაცია მოახერხა, თუმცა ის კვლავ საავადმყოფოში რჩება. ეპიზოდის შემდეგ ოუონო მსაჯმა მოედნიდან გააძევა.