პრემიერლიგის ყოფილი მწვრთნელი პეპე მელი ინტენსიურ განყოფილებაშია

ვესტ ბრომვიჩ ალბიონის ყოფილი მწვრთნელი პეპე მელი ინტენსიური თერაპიის განყოფილებაში იმყოფება. 63 წლის ესპანელ სპეციალისტს ინსულტის შემდეგ გადაუდებელი ოპერაცია ჩაუტარდა, რომელიც წარმატებით დასრულდა. ამჟამად მელი სევილიის ვირხენ დელ როსიოს საავადმყოფოში გამოჯანმრთელებას გადის.

ინფორმაცია ოფიციალურად რეალ ბეტისმა გაავრცელა, რომელსაც მელი კარიერის განმავლობაში ორჯერ წვრთნიდა. კლუბმა ეს ცნობა მწვრთნელის ოჯახის თხოვნით გაასაჯაროვა. საფეხბურთო სამყარო მწვრთნელს მხარდაჭერას უცხადებს.

მწვრთნელის კარიერული გზა

„რეალ ბეტისიდან ჩვენ მთელ მხარდაჭერას ვუგზავნით პეპე მელს და სწრაფ გამოჯანმრთელებას ვუსურვებთ. ჩვენ შენთან ვართ, პეპე.“ — რეალ ბეტისი

„რაიო ვალეკანოდან გვსურს პეპე მელს ჩვენი მხარდაჭერა და სიყვარული გადავცეთ. ვუსურვებთ მას სწრაფ და სრულ გამოჯანმრთელებას.“ — რაიო ვალეკანო

პეპე მელის სამწვრთნელო კარიერა 27 წელს ითვლის და ამ ხნის განმავლობაში მან 16 სხვადასხვა კლუბში იმუშავა. ინგლისში მისი ყველაზე ცნობილი პერიოდი 2014 წლის დასაწყისს უკავშირდება, როდესაც ის ვესტ ბრომვიჩ ალბიონს ჩაუდგა სათავეში. მელის ბოლო სამუშაო ადგილი მაროკოს ირ ტანჟერი იყო, საიდანაც ის მიმდინარე წლის მარტში წამოვიდა.