პიერ საჟი: კრისტალ პალასში ჩემი მომავალი გაურკვეველია

„კრისტალ პალასის“ მთავარმა მწვრთნელმა პიერ საჟიმ აღიარა, რომ „ბრაიტონთან“ 0:5 განადგურების შემდეგ მისი თანამდებობა საფრთხეშია. გუნდმა შეხვედრის პირველივე ცხრა წუთში სამი გოლი გაუშვა, რაც კლუბისთვის 1956 წლის შემდეგ ყველაზე მძიმე მარცხია პრინციპულ მეტოქესთან.

საჟიმ, რომელიც გუნდს ზაფხულში ოლივერ გლასნერის წასვლის შემდეგ ჩაუდგა სათავეში, პრემიერ ლიგის შვიდ ტურში მხოლოდ ორი გამარჯვება მოიპოვა. სპეციალისტი პასუხისმგებლობას სრულად საკუთარ თავზე იღებს და აცხადებს, რომ გუნდი იმ დონეს ვერ აჩვენებს, რასაც გულშემატკივრები მოელიან.

„ეს ჩემი ბრალია, რადგან მწვრთნელი მე ვარ. მე ვამზადებ გუნდს და მე ვარ პასუხისმგებელი იმაზე, რაც მოედანზე ხდება“, — განაცხადა პიერ საჟიმ.

„მხოლოდ ერთი გრძნობა მაქვს - სირცხვილი. როცა ასეთ თამაშს ატარებ, სხვა სახე უნდა აჩვენო“, — დასძინა ფრანგმა მწვრთნელმა.

ამჟამად „კრისტალ პალასი“ სატურნირო ცხრილში მე-14 ადგილზეა. კითხვაზე, მისცემენ თუ არა მას დრო სიტუაციის გამოსასწორებლად, საჟიმ უპასუხა, რომ ეს მისთვის უცნობია.