შტორმ „ბოელოს“ გამო ნაციონალური ლიგის მატჩი შეწყდა

ნაციონალური ლიგის შეხვედრა „ბაროუსა“ და „ფორესტ გრინ როვერსს“ შორის, რომელიც ფერნეს ბილდინგ სოსაითი სტედიუმზე მიმდინარეობდა, მე-14 წუთზე შეწყდა. მატჩის გაუქმების მიზეზი შტორმი „ბოელო“ გახდა, რომელმაც მოედანი სრულად დატბორა.

მსაჯმა სტიუარტ მორლენდმა მატჩის დაწყებამდე რამდენჯერმე შეამოწმა საფარი და თამაშის ნება დართო, თუმცა ამინდის გაუარესების გამო, მატჩის გაგრძელება შეუძლებელი გახდა. აღსანიშნავია, რომ მე-2 წუთზე „ბაროუს“ მოთამაშემ აიზეკ მარიოტმა ანგარიში გახსნა, თუმცა მატჩის განახლებისას ანგარიში კვლავ 0:0 იქნება.

კლუბების ოფიციალური განცხადება

„ბაროუს“ ოფიციალურ განცხადებაში ნათქვამია: „ბაროუ ეი-ეფ-სი ადასტურებს, რომ ნაციონალური ლიგის შეხვედრა ფორესტ გრინ როვერსის წინააღმდეგ მე-14 წუთზე, არახელსაყრელი ამინდის გამო შეწყდა“.

„ფორესტ გრინ როვერსმა“ სოციალურ ქსელში თანაგრძნობა გამოუცხადა გულშემატკივრებს, რომლებმაც 150 მილიანი გზა გამოიარეს და სტადიონზე მივიდნენ. მატჩის გადათამაშების თარიღი მოგვიანებით გახდება ცნობილი. ამჟამად „ბაროუ“ სატურნირო ცხრილში მე-10 ადგილს იკავებს, ხოლო „ფორესტ გრინ როვერსი“ მე-17 პოზიციაზეა.