მანჩესტერ სიტის ლეგენდა დავიდ სილვა კარიერას აგრძელებს
40 წლის დავიდ სილვა პროფესიონალურ ფეხბურთს უბრუნდება და ჰონგ-კონგის კლუბ „შა ტინთან“ აფორმებს კონტრაქტს.
„მანჩესტერ სიტის“ ყოფილი ნახევარმცველი დავიდ სილვა დიდი ფეხბურთს უბრუნდება. 40 წლის ესპანელმა, რომელმაც კარიერა 2023 წელს, „რეალ სოსიედადში“ მიღებული მძიმე ტრავმის შემდეგ დაასრულა, ჰონგ-კონგის პრემიერლიგის კლუბ „შა ტინთან“ მოკლევადიანი კონტრაქტი გააფორმა.
ახალმა კლუბმა, რომელსაც ცოტა ხნის წინ ინგლისელი მწვრთნელი ტომ ბალანტაინი ჩაუდგა სათავეში, სეზონი რთულად დაიწყო. „შა ტინი“ ამჟამად სატურნირო ცხრილის მე-8 ადგილზეა და იმედოვნებს, რომ მსოფლიოს ჩემპიონის გამოცდილება გუნდს შედეგების გაუმჯობესებაში დაეხმარება.
„ძალიან ბედნიერი ვარ, რომ „შა ტინს“ შევუერთდი და ამ გამოცდილებას მივიღებ; მოუთმენლად ველი ჰონგ-კონგში გამგზავრებას“, — განაცხადა დავიდ სილვამ.
სილვა ჰონგ-კონგში ოქტომბრის შუა რიცხვებში ჩავა. კლუბის განცხადებით, ფეხბურთელი სრულფასოვან საწვრთნელ პროცესს გაივლის, რათა ოპტიმალურ კონდიციებში შევიდეს. მისი დებიუტი შესაძლოა უკვე 18 ოქტომბერს შედგეს.
„დავიდ სილვა მალე ჩამოვა ჰონგ-კონგში, რათა გუნდთან ერთად ივარჯიშოს და მატჩისთვის საჭირო საუკეთესო ფორმაში შევიდეს“, — აღნიშნეს კლუბის წარმომადგენლებმა.
იხილე მომავალი მატჩების სტატისტიკა და მოლოდინები კუთხურებზე, ბარათებზე და სხვა ინციდენტებზე.
მატჩები →
