მიკელ არტეტა „არსენალს“ „ფლიტვუდ თაუნთან“ მატჩისთვის აფრთხილებს

„არსენალის“ მთავარი მწვრთნელი მიკელ არტეტა გუნდს ლიგის თასის მეოთხე რაუნდში „ფლიტვუდ თაუნთან“ მატჩისთვის სრული სერიოზულობით მომზადებას ავალებს. მიუხედავად იმისა, რომ კლუბებს შორის ლიგაში დიდი სხვაობაა, ესპანელი სპეციალისტი მოწინააღმდეგის დაუფასებლობის საფრთხეს ხედავს.

„არსენალის“ თავკაცმა აღნიშნა, რომ გუნდმა პატივი უნდა სცეს თამაშს და მეტოქეს, მიუხედავად დივიზიონებს შორის განსხვავებისა.

„აჩვენეთ მათ „არსენალის“ მაისური და ის, რასაც წარმოვადგენთ. ჩვენ უნდა ჩავიდეთ იქ და მოვიგოთ თამაში“, — მიკელ არტეტა.

კვირას „ლივერპულთან“ გასამართი პრემიერლიგის მატჩის წინ, მოსალოდნელია, რომ არტეტა შემადგენლობაში როტაციას მიმართავს. „ფლიტვუდთან“ სასტარტო შემადგენლობაში ვიქტორ გიოკერესის, მარტინ ზუბიმენდისა და მაქს დაუმენის ხილვას ელიან.

ამასობაში, მედიის ცნობით, „არსენალის“ მცდელობა ხულიან ალვარესის დამატებასთან დაკავშირებით უშედეგო აღმოჩნდა, რადგან „ატლეტიკო“ იანვარში ფეხბურთელის გაშვებას არ აპირებს. სამაგიეროდ, „მეთოფეები“ აქტიურად მუშაობენ „ტიხუანას“ 18 წლის ნახევარმცველის, ხილბერტო მორას ტრანსფერზე, რასაც მექსიკის ნაკრების ყოფილი მცველი კლაუდიო სუარესიც ადასტურებს.