ჩავი სიმონსი ტრავმის პერიოდში ჰარვარდში სწავლას იწყებს

„ტოტენჰემის“ ნახევარმცველი ჩავი სიმონსი რეაბილიტაციის პერიოდს საინტერესოდ იყენებს. 23 წლის ნიდერლანდელმა ფეხბურთელმა, რომელიც აპრილში მიღებული მუხლის ჯვარედინი იოგების გაწყვეტის გამო მოედანს მიღმაა, ჰარვარდის უნივერსიტეტში სწავლა გადაწყვიტა.

განათლება სპორტის პარალელურად

სიმონსი ჰარვარდის „Crossover into Business“-ის პროგრამაში ჩაერთო. ეს კურსი სპეციალურად პროფესიონალი სპორტსმენებისთვისაა შექმნილი, სადაც მათ ჰარვარდის MBA-ს სტუდენტები მენტორობას უწევენ და ბიზნეს მენეჯმენტის პრაქტიკულ უნარებს უვითარებენ.

„სკოლაში ვბრუნდები,“ — განაცხადა ჩავი სიმონსმა.

ფეხბურთელი ცოტა ხნის წინ ამერიკის შეერთებულ შტატებს ესტუმრა, სადაც ფიზიკური რეაბილიტაციის პროცესს აგრძელებს და ბოსტონში უნივერსიტეტის კამპუსიც მოინახულა. მიუხედავად აკადემიური ინტერესისა, სიმონსი ხაზს უსვამს, რომ მისი მთავარი მიზანი კვლავ მოედანზე დაბრუნებაა.

„მოედანზე დაბრუნება კვლავ ჩემი მთავარი პრიორიტეტია,“ — დასძინა სიმონსმა.

აღსანიშნავია, რომ ჰარვარდის პროგრამებით მანამდე „რეალ მადრიდის“ ნახევარმცველი ედუარდო კამავინგა და „მანჩესტერ იუნაიტედის“ ყოფილი მწვრთნელი სერ ალექს ფერგიუსონიც ინტერესდებოდნენ.