ვინსენთ კომპანი საავადმყოფოში გადაიყვანეს

მიუნხენის „ბაიერნის“ მთავარი მწვრთნელი ვინსენთ კომპანი საავადმყოფოში გადაიყვანეს. გავრცელებული ინფორმაციით, 40 წლის სპეციალისტი კლუბის სავარჯიშო ბაზაზე, „ზებენერ შტრასეზე“ შეუძლოდ გახდა. ბაზაზე სასწრაფო დახმარების ვერტმფრენი დაეშვა, რის შემდეგაც მწვრთნელი კლინიკაში სასწრაფო დახმარების ავტომობილით გადაიყვანეს.

კომპანი ბოლო პერიოდში ვირუსულ ინფექციას ებრძოდა, რამაც, როგორც ცნობილია, ძველი ტრავმების შედეგად დარჩენილი ნაწიბურების არეში პრობლემები შეუქმნა. მწვრთნელს ფიზიკური აქტივობა, მათ შორის კიბეებზე ასვლაც კი უჭირდა.

ჯანმრთელობის პრობლემები

მიუხედავად ცუდი მდგომარეობისა, კომპანიმ გუნდი ოთხშაბათს „არსენალის“ წინააღმდეგ ჩემპიონთა ლიგის მატჩში გაიყვანა. შეხვედრის შემდეგ მან აღიარა, რომ საკუთარ ორგანიზმს არ მოუსმინა.

„გასულ კვირას მძიმე ვირუსი გადავიტანე, რა თქმა უნდა, ორგანიზმისთვის არ მომისმენია და ერთ მომენტში მან მითხრა: გაჩერდიო.“

ვინსენთ კომპანი

მანამდე, პრესკონფერენციებზე კომპანის ასისტენტი აარონ დანკსი გამოდიოდა, რომელიც მწვრთნელის დასვენების აუცილებლობას უსვამდა ხაზს. ამჟამად კომპანი სამედიცინო შემოწმებას გადის გუნდის ექიმის, პროფესორ როლანდ შმიდტის მეთვალყურეობის ქვეშ.