„ნეშვილმა“ ისტორიაში პირველად მოიგო „საპორტერს შილდი“

„ნეშვილ სკ“-მა ისტორიაში პირველად მოიპოვა „საპორტერს შილდი“. გუნდმა ეს ტიტული შაბათს, „მონრეალის“ 2:0 დამარცხებით გაინაღდა, რაც მათთვის მიმდინარე სეზონში 21-ე გამარჯვება იყო.

გადამწყვეტი გოლები მეორე ტაიმში სემ სარიჯმა და ჰანი მუხტარმა გაიტანეს. ბი ჯეი კალაჰანის გაწვრთნილი გუნდი, რეგულარული სეზონის დასრულებამდე სამი ტურით ადრე, 70 ქულას ფლობს.

MLS-ის ქულების რეკორდისკენ

ტიტულის მოპოვების მიუხედავად, „ნეშვილის“ მიზანი აქ არ მთავრდება. კლუბს „ინტერ მაიამის“ მიერ დამყარებული რეგულარული სეზონის ქულების რეკორდის (74 ქულა) გაუმჯობესება სურს. ამ მიზნის მისაღწევად მათ დარჩენილ სამ მატჩში სულ მცირე ხუთი ქულის აღება სჭირდებათ.

სეზონის ბოლომდე „ნეშვილი“ „ფილადელფია იუნიონს“, „ნიუ იორკ რედ ბულზს“ და „ცინცინატის“ დაუპირისპირდება. ორი გამარჯვება მათ ჯამში 76 ქულამდე აიყვანს, რაც ახალი ისტორიული მაჩვენებელი იქნება.