ჯამალ მუსიალა ვარჯიშს დაუბრუნდა, თუმცა „ლეიპციგთან“ და „არსენალთან“ ვერ ითამაშებს

მიუნხენის „ბაიერნის“ ნახევარმცველმა ჯამალ მუსიალამ რეაბილიტაციის პროცესში მნიშვნელოვანი ნაბიჯი გადადგა. ფეხბურთელმა „ზებენერ შტრასეს“ ბაზაზე სარეაბილიტაციო მწვრთნელ სიმონ მარტინელოსთან ერთად 45-წუთიანი ვარჯიში ჩაატარა, რომელიც სირბილსა და ბურთთან მსუბუქ მუშაობას მოიცავდა.

სიფრთხილე მუსიალას დაბრუნებისას

მიუხედავად პროგრესისა, კლუბი სიფრთხილეს იჩენს. მუსიალა შაბათს, „ლაიპციგის“ წინააღმდეგ გასამართ ბუნდესლიგის მატჩში ნამდვილად ვერ მიიღებს მონაწილეობას. ასევე, ნაკლებად სავარაუდოა მისი გამოჩენა ჩემპიონთა ლიგის მომავალ დაპირისპირებაში „არსენალის“ წინააღმდეგ.

სამედიცინო შტაბი ყურადღებით აკვირდება, თუ როგორ რეაგირებს ფეხბურთელის კუნთი დატვირთვაზე. „ბაიერნი“ რისკზე წასვლას არ აპირებს, რათა მუსიალას ჯანმრთელობა გრძელვადიან პერსპექტივაში იყოს დაცული და მან სეზონის გადამწყვეტ ეტაპზე გუნდს ტრიპლეტისთვის ბრძოლაში დაეხმაროს.