„არსენალი“ ლივერპულის სამიზნე ფეხბურთელის გადაბირებას გეგმავს

ლონდონის „არსენალი“ იანვრის სატრანსფერო ფანჯრის მოახლოებასთან ერთად შემადგენლობის გაძლიერებაზე აქტიურად მუშაობს. მიუხედავად იმისა, რომ „მეთოფეები“ პრემიერლიგაში ჩემპიონობისთვის იბრძვიან, კლუბის ხელმძღვანელობა ახალი ნიჭიერი მოთამაშეების დამატებასთან ერთად, არსებული ბირთვის შენარჩუნებასაც ცდილობს.

მედიის ცნობით, „არსენალმა“ ოფიციალური წინადადებით მიმართა „ტიხუანას“ 17 წლის ნახევარმცველის, ხილბერტო მორას თაობაზე. მექსიკელ ფეხბურთელს, რომლის გამოსასყიდი თანხაც 21.2 მილიონ ფუნტ სტერლინგს შეადგენს, „ლივერპულიც“ აკვირდება. მორას მიმართ ინტერესს „რეალ მადრიდი“ და „ბარსელონაც“ იჩენენ, თუმცა ლონდონელები ტრანსფერის განხორციელებას იანვარში, ფეხბურთელის სრულწლოვანების მიღწევისთანავე გეგმავენ.

სამი ახალი კონტრაქტი

სატრანსფერო სიახლეების პარალელურად, „არსენალი“ სამი საკვანძო ფეხბურთელის კონტრაქტის გახანგრძლივებასთან ახლოსაა. მთავარი მწვრთნელის, მიკელ არტეტას დარჩენის შემდეგ, კლუბი ახალ შეთანხმებებს დეკლან რაისთან, გუნდის კაპიტან მარტინ ოდეგორთან და მცველ იურიენ ტიმბერთან აფორმებს.

გავრცელებული ინფორმაციით, რაისის ხელფასი მნიშვნელოვნად გაიზრდება, ხოლო ოდეგორისა და ტიმბერის საკითხები ნოემბრის სანაკრებო პაუზის პერიოდში უნდა გადაწყდეს. კლუბის ხელმძღვანელობა დარწმუნებულია, რომ ყველა დეტალი იანვრის სატრანსფერო ფანჯრის გახსნამდე იქნება შეთანხმებული.