ალესია რუსო ინგლისის წლის საუკეთესო ფეხბურთელი გახდა

„არსენალის“ ფორვარდი ალესია რუსო ინგლისის ქალთა ნაკრების წლის საუკეთესო ფეხბურთელად აღიარეს. 27 წლის ფეხბურთელმა ეს ჯილდო გულშემატკივართა გამოკითხვის შედეგად მიიღო, სადაც მან „ჩელსის“ მოთამაშეებს, ლუსი ბრონზსა და ჰანა ჰემპტონს აჯობა.

მიმდინარე 2025-26 წლების სეზონში რუსო ინგლისის ნაკრების შეუცვლელი ფიგურაა. მან ეროვნული გუნდის შემადგენლობაში 10-ვე მატჩში მიიღო მონაწილეობა და 5 გოლი გაიტანა. მისი კარგი თამაში განსაკუთრებით 2027 წლის მსოფლიო ჩემპიონატის პლეი-ოფის ნახევარფინალში გამოჩნდა, სადაც საბერძნეთის ნაკრების წინააღმდეგ გამართულ პირველ შეხვედრაში მან მესამე გოლი გაიტანა და გუნდს 3:1 გამარჯვებაში დაეხმარა.

„ეს ჯილდო განსაკუთრებულია, რადგან ის პირდაპირ გულშემატკივრებისგან მოდის. მადლობელი ვარ მათი მხარდაჭერისთვის“, — განაცხადა ალესია რუსომ.

„ასევე დიდი მადლობა ჩემს თანაგუნდელებს – ეს ყოველთვის კოლექტიური დამსახურებაა“, — დასძინა მან.

აღსანიშნავია, რომ რუსომ ეს ჯილდო კარიერაში მეორედ მოიგო. ის და მისი გუნდი უკვე ემზადებიან საბერძნეთთან საპასუხო მატჩისთვის, რომელიც სამშაბათს ლესტერში, „კინგ პაუერ სთედიუმზე“ გაიმართება.