აბერდინმა სტივენ რობინსონი მთავარი მწვრთნელის პოსტიდან გაათავისუფლა

„აბერდინმა“ ოფიციალურად დაადასტურა სტივენ რობინსონის წასვლა მთავარი მწვრთნელის პოსტიდან. რვათვიანი მუშაობის შემდეგ, სპეციალისტი კლუბს მას შემდეგ დაემშვიდობა, რაც გუნდი შოტლანდიის პრემიერშიპში სატურნირო ცხრილის ფსკერზე აღმოჩნდა. ბოლო მატჩში „აბერდინი“ შინ „ჰიბერნიანთან“ 0:4 დამარცხდა.

რობინსონთან ერთად კლუბი ბრაიან კერმა და სტივენ კრეიგანმაც დატოვეს. დროებით მწვრთნელად სტიუარტ დაფი დაინიშნა. სეზონის დაწყებიდან გუნდმა 12 მატჩში მხოლოდ სამი გამარჯვება მოიპოვა, რაც კლუბის ხელმძღვანელობისთვის მიუღებელი აღმოჩნდა.

კრიზისი პიტოდრიზე

კლუბის ლეგენდამ უილი მილერმა გუნდის ბოლოდროინდელი თამაში „სამარცხვინოდ“ შეაფასა. მილერის თქმით, მოთამაშეები არ არიან მზად იმ დონისთვის, რასაც „აბერდინისგან“ მოელიან: „ფეხბურთელები არ შეესაბამებიან მოთხოვნებს, მათ არ შეუძლიათ თამაში ამ დონეზე და მაღალ მოლოდინებთან გამკლავება“, — უილი მილერი.

ამჟამად კლუბის მთავარი აღმასრულებელი დირექტორი ადრიან ბევინგტონი ახალი მწვრთნელის ძიებას იწყებს, რათა გუნდი გასავარდნი ზონიდან გამოიყვანოს.